周四喺美國舉行嘅里約熱內盧奧運遴選賽，18面奧運金牌得主「新水怪」費斯繼續發威！啱啱滿31歲兼確定咗五度征奧運嘅佢，喺男子200米個人四式複賽游出1分57秒61，同比佢快0.9秒嘅洛捷迪齊齊入決賽。至於倫敦奧運100米自冠軍艾安恩就喺同日舉行嘅男子100米自以47秒72封王，呢位有一半香港血統嘅27歲飛魚，亦順利贏得里奧入場券，力爭衞冕。