【本報訊】一名夜歸女子昨凌晨行經旺角街頭，4名南亞男女走近假裝問路，偷去她手袋內銀包，女事主發現大叫，4人拔足狂奔，女事主追100米後失去賊蹤，她損失3千多元，坐在街頭大喊：「我追咗三條街都冇人幫我，我真係好辛苦，點解唔可以做好人？」事後她送院檢查。
南亞4賊扮問路
女事主姓容（49歲），昨凌晨1時許行經洗衣街91號中旅社對開，突有3男1女南亞裔人士走近，有人用英語向她問路分散其注意力，南亞女子則從後伸手偷去其手袋內的銀包，內有3,500元現金、數張信用卡及身份證。容婦發現大聲喝止，4人搶去銀包後往太子方向逃走。
容婦沿途高呼求助，追約100米至亞皆老街失去賊蹤，她事後報警，坐地揼心口不斷哭訴：「我追咗三條街，冇人幫我。有個肥女人、三個男人走嚟問路，我好心，話你由呢度去，佢仲偷我銀包！」她送院時仍不斷呼叫：「我真係好辛苦，點解唔可以做好人？」
■記者潘志能、黃江奇