兩者都係快餐店，兩者都搵藝人拍廣告，一間就算搵男神黃子華出山都俾網民插爆話「太刻薄」，另一間就算俾「愛港人士」點名杯葛都依然有可觀嘅盈利增長。點解會咁？
快餐店大快活公佈全年業績，純利率錄得8.2%；睇返大家樂純利率只錄得6.8%；就算杜汶澤被指「反中亂港」，佢代言嘅大快活喺內地市場，收入及盈利都有所增長，銷售上升約5%。
大快活主席羅開揚喺業績會表示，不擔心同阿澤合作會影響公司﹕「鍾意佢夠真，有活力，夠開心。」所以大快活仍繼續會同杜汶澤合作。
獲續任代言人，阿澤透過WeChat回應：「大快活一直是我很欣賞的企業，他有創意，會在傳統快餐中尋求突破，和我天馬行空的思想很接軌。識合作一定係同呢間合作．我本身亦認識羅先生本人，為人夠膽識，重義氣，並非一般市儈生意佬。」