科學館出現動物園？科學館即日起至11月，會有一個以動物古怪習性為主題嘅「古怪動物園」，750平方米嘅展館內會展出16組大型機械動物展品，全部都係首次衝出北美洲。
古怪動物園從人類角度去睇動物世界嘅惡心習性，思考人類同動物共處嘅重要，呢批展品千奇百怪，包括牛牛四個胃嘅運作、由糞金龜踢打糞便嘅習性介紹演變成四人對打遊戲機；達爾文蛙從口中生出小寶寶嘅運作，演變成彈彈波遊戲等等都有得睇。
行到最後仲有小測驗，考考小朋友喺之前15個展品中學到嘅知識，其中一個展品係介紹貓吃毛球嘅習慣，噚日科學館仲請嚟尖東舊街坊「忌廉哥」撐場。
今、明兩日同7月9日，仲有動物戲劇喺場內表演，預料會吸引近20萬人次到展館參觀。