今日7.1遊行，《蘋果》同以往一樣，請咗漫畫家尊子畫遊行海報，今日隨報附送。尊子最新作品新鮮出爐，今年將「劉江華」同689合體，呼籲大家上街鏟走佢哋。689上任4年，過去4年7.1，共有超過138萬人上街，《蘋果》年年都有印海報，今年人人都要689落台，唔知遊行人數會唔會創新高。今年呢張海報，除咗係689呢個任期最後一張，相信好多人都希望係689做特首最後一張，明年張海報，主角可以換人。