受英國脫歐波及，今年的七一講呢啲：
一，薑是老的辣，別睇扁老餅！老餅講得出做得到，後生仔齋talk狂share呃like就叻。
二，遊行中的老餅，未必有後續擲磚行動，但九月那一票，必不會少。在街站叫人捐錢但又唔肯參與民陣遊行那些年輕人，請搞清楚remain與leave立場。
三，抽老餅水，最終變滷水鵝的，唔會係老餅。
四，扮後生說「我討厭政治七一遊行」的女士，就算唔倒「狼禽」落屎坑，也不能取代C煙大媽的代言人地位，死咗條心啦。
五，支龍獅旗，家下形勢out定in呢？
六，邊個最快？a倫敦獨立？b梁特連任？c中國爆煲？d建制清倉？
七，脫歐後英格蘭輸俾冰島，王健林和馬雲隨時聯手掃平貨，買晒所有國腳過檔踢中超。你遊行反對？食中國飯砸中國鍋喎，估吓強力部門幾時越境（場波擺明越位兼黑哨）夾你？
八，見過跪低的偽術，見過跪低的藝人，七一仍然企硬出來行，肯定是真香港黃金右腳！