【本報訊】深水埗明哥陳灼明經營的愛心飯店大南街「副店」，年初因租金問題瀕結業，幸得鄰近業主以低價出租舖位，得以另起爐灶，延續向基層派發免費飯盒的善舉。經連月裝修，新店鐵定後日（7月3日）開張，以社企形式運作，自負盈虧，命名為「北河同行」。明哥謂新店開幕環保為先，謝絕花牌，但透露有街坊善長承諾贊助數十斤龍躉及鮮蝦，開業頭炮將以超豪飯盒贈有需要的人，與眾同樂。
記者：呂麗嬋
明哥的新店名為北河同行，「希望係個新起點。我喺北河街30幾年，對我意義重大；同行，係希望就算唔同政見同宗教，都可放低分歧，同行互助」。
買飯券代送花牌
為籌備新店連月奔走，明哥說因清拆僭建物需時，加上原址非食肆，由爐頭到水吧，統統由零開始。最開心是找到食家蔡瀾為招牌題字，開幕當日歡迎市民參與打氣，之後將如常舉行派飯活動，透露開張第一擊，已有善長承諾贊助龍躉及蝦作另類賀禮：「之前派嘅都係三餸飯，無幾何係海鮮飯盒咁巴閉！」
開幕飯盒超豪，開張則從簡。明哥說：「大家嚟已好開心，真想送禮就買一兩張飯券，幾十蚊，好過買幾百蚊個花牌。」自發組成義工隊長期向區內露宿者及獨居長者派飯，明哥的善行早傳千里，林林總總的物資，數年間如雪片飄至小小北河街，除了熱心市民定期認購飯券，甚至親身參與活動，試過有供應商送贈大批食物原材料，根本用不完。「係大批支裝蛋液，食用限期唔長，用唔到咁多，就問附近茶檔要唔要」。
社區共享，遍地開花。就如新店開幕，即時已有機構主動聯絡，說要給新店贊助環保飯盒。「可以試用，但始終成本高，發泡膠盒3毫子個，環保盒要1.4元，相差好遠」。
堅持自負盈虧
新店堅持自負盈虧，明哥笑言為了可持續發展，也得精打細算。「傳統社企要伸手攞錢，我希望新店係改良版，靠自己都生存到」。他說希望北河同行可成為試點，給掌控資源的政府和商界作示範。「先建立模式，若成功，第二間就由財團支持起動開支，就算冠名都無所謂。即由財團建基地，市民係燃油，成立後嘅工作，就動員社區力量運作」。深水埗以外，人均收入較低的元朗及油麻地，亦是考慮之列。衝出深水埗的北河同行，令人期待。