【本報訊】早前曾揚言考慮退黨角逐連任的民建聯立法會議員鍾樹根，昨稱經一個月考慮後，決定不會自立門戶出戰9月選舉，留守民建聯並排在黨友張國鈞之後出選。他重申對民建聯堅持只在港島區派出一張參選名單「非常無奈、非常遺憾」，但考慮到不想令自己的支持者困惑，所以決定放下個人得失，強調「民建聯可以唔要我，但我唔會放棄民建聯」。
記者：呂浩然
鍾樹根昨舉行記招宣佈留黨參選的決定，他事先已準備好寫滿一整紙講稿，先表明對民建聯中委會的決定感到失望、無奈、遺憾，又指自己打從中學時期已立志服務社會，1993年加入民建聯時，民建聯只是個僅數十人的「細政團」，發展至目前最大政黨是「有我哋呢一代嘅開荒牛嘅努力同汗水」。
接着鍾解釋，樹根可棄，可是歷史是抹不走的。自言過去一個月來，不少社團領袖及支持者對他退黨參選感到疑惑、困擾，形容自己不忍心「睇住我哋呢廿幾年嚟一切建設嘅組織走向分裂、走向衰退」，故此決定放下個人得失，與黨友並肩作戰，打好今次立法會選戰。
自稱「良性瘜肉」
被問到有否與表明會循港島區參選的詹培忠合作，鍾不諱言曾與多個不同政黨、個人商討合作，但考慮到自己是資深民建聯黨員，「要麼唔選、要麼留喺民建聯」，又稱「民建聯可以唔要我，但我唔會放棄民建聯」，至於過去曾描述自己是民建聯的「瘜肉」，他昨笑稱「我諗瘜肉都係良性嘅箒」。
鍾表明自己會排在張國鈞領軍的名單之內，「排第幾都可以」，是考慮到今次港島區選情「七國咁亂」，更強調自己與張國鈞相識於2000年，雖然他覺得由自己排名單首位較佔優，但既然民建聯已作決定，他相信假以時間，張亦會比他更好。
鍾樹根排在名單第二位，幾近不可能重返議會，但此舉會否影響其他建制派，他明言「睇唔到世界上有邊個政黨係想分票畀人」，至於日後出路，他承認民建聯與他討論過，但並無具體安排。
積極考慮循港島出選的工聯會郭偉強表示，鍾樹根的決定「係對於支持年輕人接棒好重要嘅態度」，對民建聯而言屬好的安排。
郭偉強又稱，無論鍾如何決定，他也要「咬緊牙關、加倍努力」，「唔係話有啲咩外環因素就可以停落嚟」。至於張國鈞到截稿前都未有回覆。
