指南針？有！地圖？有！我仲問咗屋企人借咗手提電話添！
冇錯，無論係以前定係今日，出門電話真係好重要！Hotels.com最新有調查指出，95%香港人，喺外遊期間每日會花兩小時瀏覽社交平台！
Hotels.com早前訪問來自31個國家，共9,200位旅客，有關流動裝置旅遊調查顯示，港人平均每日會用1.6小時享受日光浴，但會花2.5小時用手機，足足多近六成時間。更令人震驚嘅係，11%香港旅客，甚至每日花 5小時以上喺智能手機上！不過原來2.5小時呢個數，已經係亞太區第三低，最機不離手嘅係泰國，人均日花4小時喺手機。
呢個調查最正係，佢問埋啲受訪者，點解要用咁多時間上社交平台。
調查指，港人都愛在社交平台炫耀，42%香港旅客承認，上載相片到社交平台，只係為咗炫耀，而36%則承認，四處打卡是為了引起朋友的妒忌，等人葡萄。
港人旅遊期間，每日大多花2小時，喺唔同社交平台穿梭，有20%更會每日花3小時以上，查閱不同的社交動態，即使在該好好放鬆和享受旅程的時候，仍怕錯過任何有趣的事（FOMO: fear of missing out），近半數（46%）受訪者會在朋友嘅Post下留言，以確保有新動態時，即使身處外地亦會收到通知。
就算你覺得你唔係以上所形容的用家，但依然有9%港人，會與同行旅伴，喺Facebook上明爭暗鬥，暗底比較彼此嘅Post，亦會絞盡腦汁諗點呃Like
講到港人使用手機的習慣，上網已成為都市人旅程中不可或缺的部分。據研究指，近40% 受訪者表示，只會選揀有Wi-Fi嘅酒店，手機不過用來到 Facebook/ Instagram 貼文、查看地圖或搜尋景點，而港人旅遊時使用的五大 App 種類依次序為：
1. 社交平台
2. 地圖
3. 旅遊
4. 公共交通
5. 訊息通訊