記錄歷史唔係淨係打卡selfie嘅，有人就將寫生融入保育導賞tour，實行人人都可以做畫家。
連續第二年舉辦嘅SKETCH Hong Kong過去一年帶過市民行屏山、油麻地等舊社區，今日開始喺金鐘太古廣場舉行畫展，展出50幅記錄咗本地文化、歷史嘅畫作（圖）。
有份畫畫嘅港大藝術歷史二年級生Charlotte同八方講，佢咁大個女都未去過油麻地，多得個tour先第一次見識到廟街夜晚原來咁熱鬧，於是就畫咗幅畫記低當晚情境，佢仲話印象最深刻係夜麻麻開住電話盞燈仔寫生！
50幅畫作全部都係參加tour嘅人出品㗎，每幅賣380蚊，有幾幅大啲嘅畫作就賣過千蚊一幅，慈善收益全數撥捐香港美術教育協會。