【ViuTV發圍】將於下周舉行記者會的ViuTV選美真人騷《美選D.n.A》，屆時會公佈20位入圍名單，但據悉部份佳麗近日已陸續收到入選通知，被視為熱門的「J界女神」張沛樂（沙律）和「模界楊采妮」余逸思（Yoshi）雙雙入圍，而擁有36F的鄧月平（Larine）、健美小姐馬倩宜（Happy）和呂良偉姪女呂善婷（Angel）都成功晉身決賽。她們有機會與方力申、郭偉亮和火火一齊受訓，並會去海外拍攝特輯，經過多重考驗去分Devil（魔鬼）與Angel（天使）組別，最後才選出終極冠軍。
Angel和Happy昨日在電話中均表示收到通知一刻好開心，Angel說要努力keep fit練線條，問是否視36F的鄧月平為勁敵？她說：「如果係上圍比賽我一定唔會參加，我諗唔止睇呢方面，仲有才藝表演，我彈琴同游水都OK。」有指ViuTV的美選合約條款辛辣，參加者不可以私下接工作，可能半年沒收入，Angel說：「我一向唔係做娛樂圈，只做網上賣寵物食品生意，冇牴觸。」入圍是否靠伯父呂良偉名氣？她謂：「又唔係我後台做評判，唔關事。」Happy就沒想過攞名次，只說：「始終係第一次，全部經驗都好珍貴，無論入Devil或Angel組都開心，因為我個名叫Happy。」
Yoshi：挑戰自己
同屬Pure Model公司的沙律和Yoshi日前在尖沙嘴受訪，擁有34E上圍的沙律充滿信心說：「我喜歡挑戰，捱得係yes man，乜都會試，今次選美都係未知知數，但對自己有信心。」Yoshi則說：「我都想入圍㗎，但對攞頭三名唔係睇得太重，參選都係想認識多啲人，挑戰自己。」其公司負責人說：「等大會公佈啦！如果入到圍當然開心！」
採訪：嵐山、羅慧敏
場地提供：My Sweet Art
