早前澳洲2400米一級賽昆士蘭打吡，估唔到頭二馬Eagle Way及Rodrico已盡歸大摩旗下，頭馬Eagle Way本身由大摩擁有，將轉售予「聰明才智」馬主蕭百君，運來港服役。而本港準馬王「明月千里」馬主程凱信，就買了Rodrico，亦會運來港畀大摩訓練。
睇番下季打吡，大摩隨了上述兩大子彈外，還有莎莎郭少明家族的V380「復興文豪」(馬會譯名)，佢係應屆澳洲2000米一級賽玫瑰崗堅尼亞軍，而「共創輝煌」馬主蘇啟聲，則引入咗V381法雅納錦標1500米二級賽冠軍「忠心武士」(馬會譯名)，再加上今季已4捷的「佳龍駒」，呢5駒除非健康進度有問題，否則預期佢哋咁高分，下季打吡不難列正選，更分分鐘幫大摩包辦三甲。