【本報訊】深水埗明哥是民間扶貧icon，感動不少人出錢又出力，當中包括影星洪金寶。明哥說新店開張當日，出席的嘉賓除包括平租給他延續夢想的良心業主謝林一家三口，還希望請到另一恩人洪金寶出席，「5年前已開始派飯，嗰時好細規模，咁啱撞正《珍情品味》嚟拍攝，拍完嘢，佢（洪金寶）臨走放低一萬蚊話支持我，希望我堅持落去」。
「有時同太太一齊嚟」
明哥直言，當時實施最低工資不久，小店經營困難，派飯工作又剛起步，影壇大哥當年的俠義行動，一直令他記在心中。「佢之後都有嚟探我，有時同埋太太一齊，好有心」。今日將飛上海工作的洪金寶，則強調贊助微不足道：「出嗰少少錢，對比明哥出多多力，根本不值一提」。洪指雖然不能親身到新店，但祝願更多人可以受感染參與善舉，令香港變得更美好。
■記者呂麗嬋