樂易玲昨日搞生日P，近排各自有感情煩惱嘅主角都有嚟，佢哋就係麥明詩同黃子恆！
麥明詩單拖出席，問佢做咩唔帶男友嚟？佢就支吾以對，問佢同林作係咪未冷戰完？佢只係苦笑回應。再問麥玲玲批佢哋會分手點睇？佢就話唔信呢啲嘢。即係林作係咪仲有機會？佢就苦笑﹕「唔應該睇呢啲嘢，睇咗會仲影響自己。」
另外，捲入三角關係，疑似介入人哋婚姻嘅黃子恆都係單拖嚟。問佢呢排有冇同裕美聯絡？佢就話：「呢排大家都好忙，都要俾啲空間佢平伏自己，佢有啲屋企嘢要處理。」被問同裕美仲有冇發展機會？佢話：「應該唔會喇，大家都係工作緊要，都仲年輕。」有傳裕美係因為你家底厚先接近你？佢話都有報道指佢家底唔厚，只係打工仔。