最近有隻新股利駿（8360）計劃下月喺創業板上市，呢間公司主要做寫字樓室內設計，成立17年，創辦人係執董邱仲平與施潔兩人，老闆娘係33歲嘅胡家惠，唔知大家對呢個名字有冇印象呢？佢原來係2002年港姐季軍。
可能太多年冇睇大台節目，除咗「十優港姐」麥明詩，對過去多年嘅港姐都冇乜印象。搵番資料，胡家惠喺選美期間，曾經俾傳媒形容為「女版許愿」，最終贏到季軍，佢做咗兩年電視台之後就淡出娛樂圈，轉做企業行政工作，2011年結婚，之後開公司分銷韓國護膚品。
根據利駿招股書，佢老公佔公司大股，胡家惠舊年先至加入公司，家陣負責公關部門。咁都啱數嘅，股民想講呢間公司，可以話係有位港姐老闆娘嗰間，容易記。