工黨立法會議員張超雄上任至今，一向唔擅長爭曝光，只默默協助弱勢社群，但佢最新喺fb分享嘅一段短片，就獲網民一致讚好，不足一日有超過1.7萬人睇過，到底呢條片有乜咁巴閉，竟然獲咁多like？
一個字：靚。原來有位仙氣長髮女（圖）親自上鏡，呼籲大家支持新界東超雄，話覺得超雄真係做到「與弱勢同行」，處事仲要實事求是，據知呢位少女係超雄學生，佢呼籲大家加入成為義工。
唔少網民見到超雄出動靚女「招兵」，笑超雄今次真係出咗「超必」。有網民問超雄可唔可以叫呢位靚女9月選立法會，甚至不如搵佢排名單第二啦，咁就有助踢走保皇黨喎。大家想見識呢位靚女有幾靚，不妨去超雄個fb睇睇。