牙買加田總將會喺周四舉行奧運遴選賽，飛人保特到時會強勢出擊，爭取出戰里約奧運男子100米、200米同4x100米接力項目，實現三屆奧運都獨攬三金嘅佳績！其實保特今年狀態幾「弗」㗎，佢六月喺金斯敦格蘭披治賽男子100米中以9秒88奪冠，雖然佢嘅同胞禾漢比歷克同艾舒美迪喺今年男子100米賽事都試過跑出9秒94，但預計保特可以輕鬆擊敗佢哋。至於英國嘅恩妮絲周二都心情勁靚咁同佢啲比賽裝備影相，似乎對衞冕七項全能好有信心！