安全貨倉（237）同小股東開了一個玩笑！話說公司前日公佈業績，計劃派特別股息3.88元，但英文版附註因手民之誤，變成3.88仙，認真係差之毫釐，謬之千里。公司噚日就急急澄清話係3.88元，原本個心離一離嘅小股東睇到，應該開心番晒喇。安全貨倉可謂低調收息股，過去五、六年，keep住派特別息，收息率約3.8厘，公司舊年底以15.5億元，沽售柴灣嘉業街60號柴灣貨倉，獲利6.7億元，市場一直估佢會大手派特別息，如今願望成真。