老兵打不死！現年53歲嘅蘇格蘭高球名將蒙哥馬利，事隔六年再次喺英國公開賽登場！蒙哥馬利周二喺英國公開賽資格賽第二日打出平標準桿嘅71桿，並以總成績低標準五桿嘅137桿成為季軍，同瑞典嘅艾維臣、西班牙嘅費南迪斯一齊贏得出線英國公開賽嘅資格；佢曾經連續21年出戰英國公開賽，包括2005年攞過亞軍，呢個紀錄去到2010年先至告終。蒙哥馬利賽後都勁興奮咁話：「可以出戰英國公開賽對我嚟講意義重大，我已經急不及待去比賽喇。」