美斯受夠氣宣佈退出阿根廷國家隊，外界不斷呼籲佢回心轉意。例如巴塞隆拿嘅隊友蘇亞雷斯，就好有信心美斯會諗通，再次接受國家隊徵召；至於阿根廷首都布宜諾斯艾利斯就搞啲嘢想美斯開心番，當地體育城嘅其中一條街起咗嗰美斯銅像（圖），表揚佢喺國家隊嘅貢獻。另外，阿根廷國會將舉行國家隊贏世盃冠軍30周年紀念，當年功臣之一嘅布朗透露，到時都會一齊呼籲美斯留隊。
