電視真人騷當道，ViuTV的情侶真人騷《慳D啦Honey》剛播完，該台另一個選美真人騷《美選D.n.A》進行得如火如荼，參賽條件只限有香港身份證的女子，人妻、人母、整容女都可以參加，變面「翻版謝安琪」𡃁模趙詠瑤（Kimi）就順利入複試，本報收到消息，原來她於複試3日後（27日）已榮升做人妻。
昨日Kimi在電話承認剛結婚：「我同男友兩日前結婚，我哋拍拖4年，佢叫Kalf，做marketing。求婚過程都幾浪漫，佢蒙住我隻眼帶我去一個地方，鋪滿晒心心、花，之後送咗條我好鍾意嘅裙、戒指同花。」
採訪：嵐山、張曦彤