韓國tvN綜藝節目《名單公開2016》日前播出的那一集，盤點圈中女性點樣減肥，當中就數佢哋用幾厲害嘅招數來減肥，而成為減肥之王就係韓劇《回來吧大叔》李荷妮，第二名係女團SISTAR嘅昭宥、第三名係朴信惠。
排第三名嘅朴信惠近日出演新劇《Doctors》時就被發現瘦咗好多，根據節目指，朴信惠為咗減磅就限制自己喺晚上6點以後就唔可以食嘢，而且一日只食兩餐，兩餐都以素食為主，如果覺得肚餓就食白菜同青瓜來頂肚，平日亦會以紅豆水同南瓜水當水喝，方便去水腫。至於運動方面亦唔會偷懶，朴信惠一星期會做兩至三次運動，主要係踩單車同埋跳舞。
而排名第八名嘅秀智BB，佢就用咗5個月時間嚟減肥，事關秀智係好易肥嘅人，飲多啲水都會勁水腫，所以佢要保持弗爆身形，佢就要控制飲食，當中早餐佢會只食雞胸肉同埋一個蕃薯，下晝食玄米飯同埋沙律，晚餐亦會減少食碳水化合物嘅食物，亦會嚴格遵守晚上6時後唔進食。而運動方面，秀智就會勁做「企鵝瘦身操」來維持健美身材。