資深大律師余若薇Audrey同余若海Benjamin兩姊弟都好出名，Audrey身兼公民黨主席，而擅長打民事案嘅Ben Yu同樣炙手可熱，唔少大案都有佢份。
世界係圓嘅，兩姊弟就算打對台一啲都唔出奇，好似噚日大班鄭經翰因為唔滿意種植道豪宅天台屋俾屋宇署話僭建而提司法覆核，Audrey係佢代表律師，對家代表政府嘅正是Benjamin。
Audrey話兩姊弟剛出道時，確係協議過，要避免出現打對台情況，但好快就知道唔work，有時根本避唔到，咁不如就算。唔知係咁啱定乜原因，兩姊弟咁多年嚟，打對台機會又真係唔多，對上一次應該係兩名市民因不滿港視不獲發免費電視牌嘅司法覆核，Audrey代表市民，細佬代表政府，仲贏咗。