早於二月時，印度手機公司Ringing Bells已公佈會推出全球最平智能手機Freedom 251，以定義251印度盧比平絕世界！251印度盧比其實即係幾多？答案其實只是$28.7，食個早餐都唔夠。但睇番規格，Freedom 251內置四核1.3GHz處理器、4吋540x960解像度屏幕，兼備前後置鏡頭及用上Android 5.1系統，其實都唔算太差。不過由公佈至今，手機公司跟手機的問題都唔少，如預訂系統有問題、手機介面有抄襲之嫌及質素太差等。但手機公司就話首批已生產了20萬部Freedom 251，並將會於6月30日正式上市，亦表明賣一部蝕一部。至於手機有冇伏？等多幾日就應有答案。
資料來源：Phone Arena
記者：布偉倫
