網上食評網站近年非常流行，但有不少人相信網站存在「打手」，未能盡信食評內容。著名食評網Openrice，一直被質疑有「打手」，近日於facebook專頁發表了一篇「開飯有話兒」的帖，澄清「打手」傳聞，不過被指「收錢寫好評」的爭議不但未有平息，更引來更多網民批評，「關公」又要出現了。
近日Openrice在網上澄清，指機構絕不容許收錢幫人寫好評及刪劣評等服務，亦積極打擊有關的事情發生。對於坊間的「打手」的傳聞，他們稱對此十分「頭痕」，重申會盡力打擊，亦呼籲網民一旦發現懷疑不實個案，盡快檢舉，調查屬實後，機構「絕不手軟」刪評。
可惜網民就不太認可這篇澄清帖，留言彈多過讚，不少人更鬧爆網站無公信力，「我都試過寫一篇食評彈咗好多次，間嘢明明真係好難食」，但有關食評沒有出到，認為「就唔比我哋寫實話」，有網民指寫了10多篇食評但只被採用1、2篇，更有人表示早已沒有再上Openrice，「實際我已無使用Openrice呢個app。因之前曾兩次參考推介，但食過真係完全唔得，寫食評亦見唔到post…」但亦有部分網民選擇相信Openrice的努力與公正。
【網民點睇】
Elise Mak ：我都試過寫一篇食評彈咗好多次，間嘢明明真係好難食，但就唔比我地寫實話。我睇番間嘢啲食評，好明顯好多都係假嘢，因為佢啲嘢真係難食到冇可能有人讚。
Mike Chiu： 實際我已無使用Openrice呢個app。因之前曾兩次參考推介，但食過真係完全唔得，寫食評亦見唔到post(無證據話被delete，但發現無post出黎)。係分別有兩次有同一情況，所以已無再用
Daisy Lam ：講嚟講去三幅被！我都睇到就識答。始終唔明出呢個POST做乜？催眠？
程班長 ：以我個人經驗論，我選擇相信open rice 這間公司的努力與公正，但是利用openrice這網路管道威脅利誘餐飲業者或同行惡意中傷或打手不公正po文的現象的確非常嚴重！再說一次，非常嚴重！