周五（7月1日）回歸日沙田八草三泥共11場賽事，草地用A加3欄作賽，此跑道一向形勢似谷草，對均速前置馬有利，而去到季尾階段此情況就更加明顯，睇番上季7月5日同一移欄八場草地賽，一檔馬勁取三勝三位。至於跑法方面，雖然有「拼搏小子」及「安荃」在1600及2000米後上贏馬，不過當日五場1600米以下之中短途賽事，全由沿途守前三位入直路馬匹勝出，可見具前速之馬匹要優先留意。
今戰列陣馬中，第八場「時裝精英」上仗正是A加3欄贏馬開齋，等番同一移欄再跑必求添食。另外，第五場「神威福將」三次角逐A加3欄兩度勝出，憑跑道形勢之助可爭三甲。
另一方面，近六次鴛鴦地（泥、草混合賽日）共舉行13場泥地賽，一至四檔合力包辦11WIN，今次第九場「機緣再現」及第十場「齊歡笑」等剛在泥地有表現且抽得內檔之馬匹，值得優先捧場。