大家成日話紙媒已死，但似乎仲有好多人有興趣搞傳媒，最新代表係黃玉郎。
雜誌《NM+新Monday》噚日宣佈賣盤，由黃玉郎接手，出價只係20萬，佢亦須承擔埋公司嘅2,100萬虧損。
賣家係內地富豪許家印旗下上市公司恒大健康，原來截至去年底嘅一年半，《NM+新Monday》公司稅前虧損上千萬。八方搵過黃玉郎，佢話仲傾緊啫，點搞就未講住，明言睇中年輕人市場喎。
睇番單交易，查實平放唔係冇原因嘅，買家除咗要啃咗啲虧損，恒大健康喺通告就話，平面媒體係夕陽產業，因為市場挑戰，眼見同行都裁員，提醒公司要精簡重組媒體業務。比起引入新partner，直接賣咗嚿「蝕本貨」，更符合整體利益。