人與人溝通除咗講嘢，仲靠好多身體語言，因為不同表情正正反映對方諗緊乜，參考社會物理學及兒童行為書作家Aldis Kalnins解讀的唔同表情，做人自然少啲撞板更加「襟撈」！
托腮類：
手指公托腮、神情專注，代表對方正在做評估或者做決定。
全手掌托腮、目無表情，代表對方已經聽到好悶了。
食指托腮、雙眼放大，代表佢對你的話題感興趣。
左望右望：
雙眼望向右下方(他自己的左下方)，代表佢正在思考。
雙眼望向右邊(他自己的左邊)，代表佢正在回憶聲音。
雙眼望向左下方(他自己的右下方)，代表佢正在回憶感覺。
雙眼望向右上方(他自己的左上方)，代表佢正在回憶畫面。
眼神騙不過：
捽眼，代表佢見到唔想見到的、或佢講大話、又或者，佢只是眼力差。
周圍望唔同你有眼神接觸，代表佢想呃你。
眨眼，代表佢想吸引你。
摵起堂眉，即是想撩你。
笑容：
嘴笑眼不笑，即是皮笑肉不笑，係假笑。
嘴笑眼都笑、現眼紋，發自內心的真心笑。
記者：容慧心
攝影：黃子偉