【本報訊】暑假將至，是少男少女援交高危期。警方指去年7月至今，有12名因援交而遭性侵的受害人，年齡最小只有12歲。警方表示，隨網上社交媒體及智能電話迅速發展，援交轉趨地下化，他們透過Instagram（Ig）、WeChat（微信）等社交平台直接搵客，以及用智能電話聯絡客戶交易，令警方更難揭破偵查。
記者：謝明明
警方家庭衝突及性暴力政策組總督察李經晞受訪時表示，以往青年需透過中介人或網上討論區搵客，但隨社交平台迅速發展，他們透過Instagram、WeChat等搵客，毋須再經中介，亦較少透過討論區搵客，「以前要搵馬伕，但𠵱家佢哋可以一腳踢」，智能電話又可隨時上網接洽增加偵查困難，「手機快捷方便，唔似以前咁要返屋企上網」。
一年12人受害
她表示青年從事援交除因經濟問題外，部份基於好奇刺激、受朋輩影響等，「部份更係為咗追尋被愛嘅感覺」。她指不少援交青年認為援交有別於賣淫，以為有能力處理問題，「佢哋認為有權揀客揀時間，主導權喺佢哋嗰度，唔似一般娼妓咁冇得揀，部份人好天真以為單純行街飲杯嘢，部份更列明唔准攬腰等親密行為，但實際上絕大部份嘅援交客只係諗住性交，到最後援交青年都係就範或被霸王硬上弓」。
根據警方資料，去年7月至今，有12名因援交而遭性侵的受害人，年齡介乎於12至23歲，當中7人為學生，李稱，由於案件仍在調查，警方暫時不便披露詳情。
警方發現不少援交青年即使受性侵都不願報警，原因之一是網上流傳警方會拘捕參與援交人士，「佢哋以為會被拉而唔敢報警，所以估計真實數字會比警方接獲嘅多」。
李澄清在港賣淫並不犯法，「警方係唔會拘捕受害人，除非佢哋觸犯其他罪行，例如偷咗個客嘅錢」。相反援交客因涉嫌與16歲以下少女發生性行為而被捕，罪成最高可被判監禁5年。她提醒家長要留意子女行為有否突變，「例如突然多咗好多錢使，又或突然多咗好多來歷不明嘅電話，呢啲都係援交徵兆」。
警方呼籲青少年切勿援交，若不幸被性侵，應立即報警。