英格蘭射手占美華迪嘅新婚太太碧琪，喺周一約埋林柏特嘅前未婚妻艾倫入場睇波。碧琪今場着住老公件11號球衣捧場，但華迪到60分鐘先落場，最後幫唔到英軍反敗為勝。賽後華迪梗係好失落啦，好在碧琪亦好sweet，見到老公行埋嚟，即刻送上香吻同安慰佢（圖）。華迪同碧琪喺歐國盃前先結婚，家陣英軍16強就玩完，相信佢哋會有多啲時間度蜜月。