楊明和莊思明昨日情侶檔出席海洋公園夏水禮，跟女友同台，楊明顯得尷尬不自然，介紹娛樂設施時要女友提示，反觀思明就不時甜絲絲望着男友，兩人更玩鴛鴦戲「泡」拍照。首次情侶檔出騷，他們非常滿意酬勞，楊明坦言未慣跟女友同場面對傳媒，平時拍拖會自然得多。
對於中學師妹騷擾事件，楊明笑指自從拍拖後都成為不少男士假想敵，他說：「我哋兩個感情係𠵱家嘅事，之前朋友或對我哋感情有意見嘅人都唔關事，我哋有自己生活，唔需要理唔關事嘅人，唔會受外界影響。」思明被問到會否擔心被襲擊？她說：「黐線，我咁大隻邊個打到我，唔擔心。」
採訪：馬建華
攝影：陳順禎
