炎炎夏日，吃一口西瓜特別透心涼。漁農自然護理署每年都會聯同新界蔬菜產銷合作社舉辦本地有機西瓜節，今年賣點係乜呢？竟然唔係西瓜係苦瓜。
漁護署噚日介紹本地自行培育嘅「大頂苦瓜」，話「大頂苦瓜」味道較甘，適合男女老幼。由於果實呈圓錐形，頭大尾尖，因而命名。當然西瓜都係必備嘅，三款屆時供市民選購嘅有機西瓜分別係「玉蘭」、「黛安娜」同「超甜黑美人168」（圖），係漁護署近年分別由泰國、台灣同澳洲引入嘅品種，同樣適合本地水土及夏季栽種。
查實西瓜節除咗供應約1,000個西瓜，參與嘅50個農戶仲會展銷自己種植嘅有機時令蔬果。西瓜節本周五、六喺大埔太和路救護站側嘅大埔農墟舉行，上午10點至下午5點，免費入場。