王宗堯敢言敢行的個性令他成為廣告商寵兒，短短半年內已接拍4個廣告，最近推出的洗面膏廣告中，宗堯要赤膊踩上擂台與對手打拳，他直言要拍得有型全靠劇組，他笑說：「好彩本身打拳都OK，現場打拳、套路都好free fight，加埋少少落雨嘅感覺，件事出嚟就幾型。但我唔係拳手身型，佢哋要就我，又要打又要靚仔更加難。」
宗堯近年密密賺，但使錢亦相當瀟灑，不介意投資在他認為值得的工作上，他說：「我會好任性地攞呢啲廣告酬勞去拍陳詩慧嘅MV，嚟緊仲想籌拍電視劇同一個騷，希望搵番啲待業或者香港嘅工作人員嚟開工。最緊要大家一齊有工開就最開心。」
撰文：嵐山