做報紙嘅，揀相真係一門學問，英國《太陽報》就相當大膽，竟然揀咗朗尼大仔Kai睇到喊嘅相做大（圖），真係出位！出位到連朗尼老婆高蓮都要喺twitter回應，話唔滿意《太陽報》擺佢個仔上枱，「我已經睇咗嗰份報紙頭版，我感到絕對嘅震驚！」英國傳媒一面倒狂插英格蘭同鶴臣，《泰晤士報》就話呢日係英格蘭最黑暗一日；但講真呢日基本上每兩年就出現一次。至於《每日郵報》網上版就拉埋脫歐公投嚟講，話英格蘭「再次離開歐洲」。