今年差唔多日日都見到共和黨美國總統參選人特朗普（Donald Trump），佢好多年前已經成日俾人笑佢疑似戴假髮，佢個髮型已經成為佢標誌之一，咁啱噚日翠華（1314）老闆李遠康現身講業績，赫然發現佢個髮型，同特朗普有幾分相似，只係一個向左，一個向右，濃密得來又有些少假髮feel。頭髮對於男人而言十分重要，頭髮濃密嘅話，睇落多數靚仔過光頭佬（光頭嘅城城當然另作別論）。難得李遠康年過60依然擁有一頭秀髮，加埋佢副身家，應該羡慕死好多人。