高官又執位！新聞處處長聶德權（圖）7月6日接替退休嘅袁銘輝出任食物及衞生局常任秘書長（衞生），由D6升D8；商務及經濟發展局副秘書長（通訊及創意產業）黃智祖同日則接替聶出任新聞處處長，黃、聶兩位有一大共通點，同樣都係51歲。
雖則民望高嘅食衞局有唔少議題要處理，但身在特首辦似乎更多麻煩，聶德權唔知算唔算執到好籤？擔任現職28個月嘅聶處長賣花讚花香，話任內新聞處已加強使用社交媒體平台發放政府訊息，噚日行會召開前佢一如以往貼身跟住CY見傳媒，7.6後就唔使咯。
1987年加入政府嘅黃智祖曾喺多個政府部門服務，2011年10月起獲任為商務及經濟發展局副秘書長（通訊及科技），後改稱商務及經濟發展局副秘書長（通訊及創意產業）至今，唔知上任後有乜新猶？