南華（紅衫）前晚喺甲一季後賽總決賽第三戰擊敗東方，五場三勝制下領先場數2:1，如果聽日第四戰贏埋就提早重奪總冠軍，第四戰嘅賽事門票（$80、$50元）今晨10點喺城市售票網發售，除咗門市購買，球迷亦可上網購票；同之前一樣，每人限購四張，以之前新伊館場場爆滿嘅經驗，估計開售無耐就賣晒，球迷要買就襯手喇。另外，噚晚喺修頓舉行嘅甲一護級戰，遊協以83:68擊敗晉龍，後者護級失敗下季甲二見啦。