每逢大賽後，都有唔少國家隊主帥走人，除咗英格蘭嘅鶴臣引咎辭職外，羅馬尼亞嘅約丹尼斯古亦會走人。羅馬尼亞足協周一宣佈呢個消息，同埋多謝佢多年嚟嘅貢獻。約丹尼斯古教過國家隊三次，喺2006年之後離開球壇從政，做埋議員㖭，但喺兩年前，羅國足協搵佢出山做兩年教練。羅馬尼亞喺今屆歐國盃成績麻麻，三戰得一分排A組包尾出局。