所謂人逢喜事精神爽，港鐵（066）主席馬時亨等咗多年，最近終於榮升外公，佢大千金馬露明（Christine）上星期誕下健康BB仔，馬時亨當時身處華沙出席新絲路論壇，開完會旋即返港探BB。噚晚肥馬亦有出席港交所周年酒會，現場超過900名賓客，肥馬夾喺人群當中，竟然好眼利咁望到攝記鏡頭，即刻自動波揮手、笑晒，任影唔嬲，心情靚爆，可惜現場實在太多人，華華想行埋去講句恭喜，插針都插入，唯有喺呢度講喇，恭喜晒。其實肥馬唔使「馬拉松」喇，以佢嘅人氣，加埋交際手腕，自己參選特首都得。