美國女泳手列迪姬周一喺美國奧運遴選賽女子400米自由泳決賽，雖然破唔到佢保持嘅世界紀錄（3分58秒37），但都以史上第三快嘅時間3分58秒98贏咗冠軍，順利攞到里約熱內盧奧運入場券；以佢現時嘅狀態，嗰面女子400自金牌應該都十拿九穩。另外，日前喺男子400米個人四式決賽得第三，而攞唔到里奧入場券嘅洛捷迪，雖然喺男子200米自由泳準決賽贏咗而入決賽，但時間唔係太好，只係游到1分47秒58，睇嚟唔係太有機會入到奧運囉。