雖然早前流傳Motorola會再出Razr摺機的消息最終落空，不過這部新到港的新手機Moto G4 Plus都算有一定吸引力。延續系列作向來的高性價比取向，Moto G4 Plus規格上都唔輸蝕，如配備5.5吋Full HD TFT顯示屏、Snapdragon 1.5GHz八核處理器、3GB RAM、3,000mAh鋰電及Android 6.0.1。7.9mm厚度機身略嫌未夠薄，但只得155g重量確實幾輕身。
Moto G4 Plus玩法同之一樣，可以搖動機身開啟及轉換拍攝模式；再配合1,600萬像素主鏡頭及雷射及相位對焦技術，初步測試對焦都幾快幾焦，有驚喜，影像效果都算及格。另外手機加入指紋感應器，方便用家以手指一掃解鎖手機，掃描感應速度都唔錯。至於價錢方面，Moto G4 Plus標價$2,699，大家又覺得合唔合理？
記者、攝影：布偉倫
