一日24小時，除了工作和睡覺，大概就只剩下7、8小時，不過如果你是北區居民就更慘情，坐車一來一回佔去3小時。九巴的官方facebook周一就發佈了一條新帖文，題目是【震驚返工瞌眼瞓嘅人】，內文說有好消息放送，因為由6月27日起，早上除了原有的特快專線270C、277X、373、673和978A，還會新增一條特快專線270D，聲稱由上水清河到荔枝角鐵路站只需約50分鐘，更標榜「在車上多眠有助提升工作精神」。
正所謂「識睇一定睇留言」，網民留言彈多過讚，不少人更鬧爆播Roadshow的電視機好嘈，「不如熄咗Roadshow先啦」；有網民指九巴上用的白光燈很刺眼，幾乎要戴眼罩才睡得著。
常坐九巴的網民說多加一條線沒太大分別，因為這些特快專線都是「乞丐班次」，上九巴網頁查查這些特快專線的時間表，發現班次確是少得可憐，例如開往中環的373早上就只有四班，而且都在7時30分前開出；開往灣仔的978A和978B和新公布的270D都是各自有一班車，多數迫滿人，網民都說即使上到車，恐怕也沒位坐了，要在車上瞓覺就更是奢想。
【網民點睇】
Jacky Ng：有得坐先得架，乞丐班次
Morris Leung：Road show 又嘈又煩，食埋安眠藥都瞓唔到啦
Ri Sonmin ：有啲晨早線路可唔可以0600-0700之間開多一兩班？？唔係個個都九點先開工
黃山君：有位坐先算啦...一個武功高強既世外高人，企係巴士可以深層睡眠既老人家。都係多謝九巴。
Patrick Leung：閂左個 Roadshow 就有覺訓啦