公民黨黨魁梁家傑鑑於今年立法會有大量法案等待審議，議員冇機會按傳統提出「惜別議案」，即係臨別立會前發表感言，所以近日特別以《別了，立法會》為題撰文6,500字講感受。雖然傑哥預告告別議員，但嚟緊9月立法會選舉，大家續有機會投票畀傑哥，皆因公民黨執委會最近決定，周日會喺黨員大會建議傑哥排九龍東名單第二位抬轎，拍住首位嘅「飛機師」譚文豪出戰九龍東。
雖然有機會再披甲，但傑哥話泛民同建制嘅九東基本票源比例幾成定局，所以佢排第二出戰，「肯肯定」唔會再當選。至於自爆曾被時任特首董建華同時任律政司司長梁愛詩邀請入政府，佢話係想畀大家知，目前梁班子同十年前有幾唔同，完全接受唔到不同意見，話現時望番轉頭，慶幸當年冇接受到政府邀請喎。