女士們為咗靚，真係可以去到好盡，不論係蝸牛粹取抑或天然食物，總之聽聞對皮膚好就會「以身試法」。最近網上流傳用香料加食材做面膜，薑黃加蘆薈箒喱敷面聲稱可以美白；肉桂粉加蜜糖就話可以消炎去粉刺，咁易就搞得掂皮膚問題？我哋問過註冊中醫師楊明霞，原來呢啲方法分分鐘令皮膚問題惡化！
楊醫師指出，薑黃內服的話有破血行氣，通經止痛的作用。外用時，主要是它活血作用作美白，令膚色更粉嫩一點，「如果用家本身有皮膚敏感或發炎受損的地方，就不建議他敷，因為也有一定刺激性。」要留意的是，薑黃的色素染色力強，黃色放在角質層上會染色，塗上去未必即時有美白作用，皮膚更為染成黃色。記者試用當日，就花上不少時間和潔膚液洗去染黃部份。
薑黃外敷會染色又刺激，咁內服又如何？原來內服的作用相對外用好啲，「因為現代醫學研究顯示，佢嘅抗氧化成份，比維他命E更強。」但醫師提醒，如果個人氣虛或身體較虛弱的話，便不宜經常食用，因為太行氣活血，會容易頭暈。
除咗薑黃，網上亦流行以肉桂加蜜糖拌勻敷面，據說帶消炎和去粉刺效果。但原來咁敷法分分鐘令炎症加重！「肉桂本身帶熱，有溫暖、驅寒、止痛作用，外敷的話會怕它起敏感，因為它有一定程度的刺激。跟薑黃很相似的。它們本身是香料，但香料類盡量少接觸在皮膚。因為它們比較熱，會令血液回流加重，如果本身發炎加上血液回流加重，會有充血情況出現，有機會加重發炎情況，會適得其反。」
記者：黃樂雯