上海迪士尼開幕，全世界又多個好去處啦！之不過對於愛傳統的香港人來說，我哋寧願玩番以往的長命斜瀡滑梯、高難度鋼架和離心力韆鞦；不過如果有啲既懷舊又好玩、設施還要是手做的遊樂場，大家又點睇？美國的自由公園和威尼斯的一間餐廳，就有呢啲令人驚嘆的玩意啦！其實去得遊樂場都是想開心，舊得來但感覺到手製人情味的樂園，應該怎也比格格不入的卡通人物來得親切同有驚喜吧。
意大利威尼斯森林的Ai Pioppi
Ai Pioppi意思是「在白楊樹中的酒館」，遊樂園主人Bruno Ferrin本身是開餐廳的，起初只係諗住做些滑梯畀嚟幫襯的小朋友玩，但係佢越做越起勁，經過47年，呢度已經變成一個全動能手製遊樂場！360度自踩自high的韆鞦、動能過山車和超長滑梯等超過40個設施大部份由他人手製作，但全都附合意大利安全標準。Bruno已逐步將建造遊樂設施心得傳授畀佢個姪，希望姪仔可以繼承佢呢個偉業。
開放時間：於facebook不定時更新
網址： http://aipioppi.com/
美國猶他州鹽湖城的自由公園
這裏的摩天輪其實已經是1930年代的產物，仲老過你同我！公園建於1930年代，但1960年代公園曾經發生火警，所以只有摩天輪保留得住，而迴旋木馬 小飛船和韆鞦則是重建的，不過計起來佢哋年紀都唔細啦。
60年代的遊樂設施大部份係人手做的，公園主人Craig Silverstein堅持keep住遊樂場的懷舊味，因為佢相信在外面已經好難再搵得到啦。
開放時間：星期一至日早上11時至晚上7時
網址： http://www.slcgov.com/cityparks/parks-liberty-park
記者：容慧心
