竇靖童繼日前被爆孖同性設計師Rebecca蜜遊倫敦，在地鐵被讀者撞破後，昨日再有讀者Sara透過「爆相爆片」報料，香港時間昨日凌晨，在倫敦Bond Street Station發現童童跟女友人十指緊扣行街，本報發現相中人又是跟童童傳斷背的Rebecca，看來兩人情非泛泛。
Sara接受訪問表示：「佢哋當時好親密，除咗手拖手行街，仲旁若無人咁喺街度咀嘴。佢哋行緊去Oxford Circus方向，因為嗰邊成條街都做緊大減價，估佢哋應該係去掃平貨，我見佢哋都係買衫居多。」相中所見，兩人各拿大袋戰利品，收穫甚豐。
採訪：何慧斯
