無綫藝員羅鈞滿過去4年曾多次違反交通條例，今年3月因醉駕被捕，其體內酒精含量被揭超標3倍。羅鈞滿早前承認酒後駕駛罪，由於當日裁判官表示有機會判羅入獄，令昨日案件宣判備受關注。穿上西裝的羅鈞滿，昨日上午9時半在無綫經理人陪同下抵達觀塘裁判法院，他在庭內公眾席上等候期間表現緊張。裁判官問羅鈞滿聽過感化官報告後有沒有話想說，羅鈞滿回答說：「我覺得好後悔，我承諾唔會再做。」最後羅鈞滿被判100小時社會服務令及停牌2年，並要上駕駛改進課程。裁判官判刑時指出，社會服務令等同監禁，羅鈞滿有12個月的時間完成服務令，並提醒他如未能在限期前完成，不排除會被判監。
唔敢再揸車
羅鈞滿離開法院時接受訪問，表示尊重法庭裁決，他說：「自己喺呢事情上做錯咗，得到呢個判決，可以做啲無償嘅工作回饋番社會，對自己都係一個好好嘅做法。」將來會否再揸車？他說：「事情發展咗之後，自己都唔係好敢揸車，我諗到時先決定到呢件事情。」那麼會否減少飲酒？他說：「我唔係一個成日飲酒嘅人，因為我平時會做一啲運動，譬如成日打籃球或者踢波，都知道飲酒對呢方面嘅表現唔係咁好。」並承諾將來就算飲酒也一定不會駕駛。
工作被抽起
羅鈞滿指判決前自己已作最壞打算，問現時可會鬆一口氣時，他說：「做呢個社會服務令都可以畀一個時間去反思自己。」羅鈞滿擔心今次事件會影響形象，希望在這事上成長。他更謂：「好對唔住屋企人，希望呢件事唔止係我鬆一口氣，可以畀家人及朋友過番啲好嘅生活。」他表示部份工作因案件而抽起，現時手頭上沒有工作，他說：「公司會留意判決，先再有下一步安排，我明白合約會有一啲條款，今次呢件事自己要承擔所有後果。」訪問後，羅鈞滿乘經理人座駕往紅磡後轉乘的士離開。
採訪：張俊銘
攝影：沈健程、畢紹基
案件編號：KTCC 2005/2016