莊思明撇甩舊愛陳司翰後，現跟無綫藝員楊明陷入熱戀，前晚8時許，兩人到大坑的餐廳與友人飯局，莊思明整晚黐實男友，一時跟男友並排而坐，一時換位坐男友對面，十分癡纏。飯後各人陸續離開，徐少強兒子徐偉棟跟着熱褲的胞妹徐穎堃先走，楊明則獨個兒行去取車，他專登將座駕駛到餐廳門口，方便女友行兩步就可上車，當莊思明是公主般服侍寵愛。
此外，莊思明在網上爆有女子經常騷擾楊明，楊明接受電話訪問透露：「呢個女仔係中學師妹，一直有聯絡，但最近覺得佢有問題，成日打電話好唔清醒似飲醉，我叫佢處理好自己精神先，但佢依然係咁，仲用另一個電話號碼搵我，所以我將呢件事講畀思明知。」
採訪、攝影：朱志聰、黃曉程、黃曉妍