噚日有隻創業板新股中國數字視頻控股（8280）掛牌，最受注目嘅，唔係公司股價，而係主席鄭福雙左邊眉頭嗰粒大痣，離遠都望得見。胸懷大志係好事，唔知眉頭有大痣又係咩事呢？根據風水師麥玲玲所講，面冇好痣，眉代表計劃能力，上面有痣，代表執行計劃時容易遇上阻力；而眉頭有痣嘅人，做事又通常比較心急，投資者要留意番喇。不過，睇相要睇全部，單講粒痣都唔可以作準嘅。鄭老闆呢間中國數字視頻主要做視頻後期製作，佢都算勤力，噚日上市順便自己用手機拍片，可能諗住整番條上市紀錄片啩。