做英超領隊，唔單止要教波掂，仲要好似摩連奴、高路普咁形象鮮明，咁就更加吸引到球迷。即將任教曼城嘅哥迪奧拿，就正喺西班牙伊維薩島度假，不過就俾狗仔隊睇到佢嘅新形象，雖然仲保持光頭，但兩鬢就留咗白「的水」，英國傳媒估計，哥帥咁做就係向「藍月」死忠、Oasis樂隊嘅Liam Gallagher致敬，哥帥咁識冧球迷，應該喺曼城坐得耐過比歷連尼。